თბილისი, 16 სექტემბერი — Sputnik. საქართველოს პირველი ჩოგანი (მე-17 პოზიცია АТР-ს რეიტინგში) ნიკოლოზ ბასილაშვილი АТР 250 სერიის Moselle Open-ის საჩოგბურთო ტურნირზე, რომელიც საფრანგეთის ქალაქ მეცეში 16 სექტემბერს აიღებს სტარტს, მეორე ნომრადაა განთესილი.
ქართველი სპორტსმენის წინ მხოლოდ ბელგიელი დავიდ გოფენია, რომელიც მსოფლიო რეიტინგში მე-14 ადგილს იკავებს.
გასულ წელს ბასილაშვილი ტურნირის მეოთხედფინალამდე მივიდა, სადაც იაპონელ კეი ნისიკორისთან წააგო სამ სეტში – 3:6, 6:4, 4:6. ეს ნიშნავს, რომ ქართველმა ჩოგბურთელმა 45 სარეიტინგო ქულა აუცილებლად უნდა დაიცვას.
მეცეში გამართული ტურნირის გამარჯვებული 250 სარეიტინგო ქულას გამოიმუშავებს და თუ ამას ბასილაშვილი გააკეთებს, იგი მსოფლიოს უძლიერესი ჩოგბურთელების სიაში მე-14 ადგილზე გადაინაცვლებს.
Moselle Open-ი 22 სექტემბრამდე გაგრძელდება. ტურნირის საერთო საპრიზო ფონდი 524 ათასი ევროა, მოქმედი გამარჯვებული კი ფრანგი ჟილ სიმონია.