კალათბურთელ ირაკლი კედიასთან დაშორების შემდეგ მსახიობი ზრდის მათ საერთო შვილს დანიელს, რომელიც წელს სკოლაში მივა. ნანკას ტყუპისცალი ძმა ჰყავს – გიორგი კალატოზიშვილი, რომელიც ასოცირებული ტრენერია და სხვადასხვა კომპანიაში წარმატებით საქმიანობს.
ნანკას უფროსი დაც ჰყავს – თინათინ რუხაძე, რომელსაც საზოგადოება როგორც წარმატებულ ქალსა და ფსიქოლოგს იცნობს. სოციალურ ქსელში ხშირად ჩნდება ტყუპების ერთად გადაღებული ფოტოები, რომელზეც ხშირად აღნიშნავენ, რომ ისინი ძალიან ჰგვანან ერთმანეთს.
ნანკამ 2000 წელს დაამთავრა შოთა რუსთაველის თეატრისა და კინოს უნივერსიტეტის სამსახიობო ფაკულტეტი, ამავე წელს გახდა თეატრალური სარდაფის მსახიობი. 2007 წლიდან არის ვასო აბაშიძის სახელობის მუსიკალური კომედიისა და დრამის თეატრის მსახიობი.
2009–2010 წლებში იყო გადაცემა „სიმართლის დროს“ წამყვანი. 2010 წლიდან „ინტუიციის“ წამყვანი. 2013 წელს დუტა სხირტლაძესთან, კახა კინწურაშვილთან და ლიკა ლაბაძესთან ერთად იმედის პროექტის „ცეკვავენ ვარსკვლავები“ III სეზონის წამყვანი იყო.