თბილისი, 6 სექტემბერი — Sputnik. ქობულეთში, აღმაშენებლის ქუჩაზე მშენებლობიდან მუშა გადმოვარდა, რომელიც ადგილზევე გარდაიცვალა, იუწყება ტელეარხი TV 25.
უბედური შემთხვევა ზღვის სანაპიროზე ერთ-ერთი სასტუმროს მშენებლობაზე დღეს მოხდა.
გავრცელებული ინფორმაციით, დაშავებულია კიდევ ერთი ადამიანი, რომელიც სამედიცინო დაწესებულებაშია მოთავსებული.
მომხდარ ფაქტზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.