თბილისი, 6 სექტემბერი — Sputnik. საქართველოს ფინანსთა სამინისტროს საგამოძიებო სამსახურმა ქრთამის აღებისა და ყალბი დოკუმენტების დამზადება–გასაღების ხუთი ფაქტი გამოავლინა, ნათქვამია უწყების მიერ გავრცელებულ განცხადებაში.
გამოძიების ინფორმაციით, დამნაშავეები, რომლებსაც შიდა ქართლისა და მცხეთა-მთიანეთის რეგიონებში ავტოსკოლები ჰქონდათ გახსნილი, ქრთამის სანაცვლოდ მოქალაქეებზე გასცემდნენ ავტოსატრანსპორტო საშუალების მართვის მომზადების სასწავლო პროგრამის გავლის ყალბ მოწმობებს აღნიშნული პროგრამის გავლის გარეშე.
გამოძიება სსკ-ის 362-ე მუხლის პირველი და 221-ე მუხლის მესამე ნაწილებით მიმდინარეობს, რაც ითვალისწინებს თავისუფლების აღკვეთას ორიდან ოთხ წლამდე ვადით.