საქართველოს მორაგბეთა ნაკრები შოტლანდიის გუნდთან თბილისში გამართულ ტესტ-მატჩში ანგარიშით 10–44 დამარცხდა. იხილეთ „Sputnik-საქართველოს“ ფოტოკადრები, თუ როგორ მიმდინარეობდა შეხვედრა.
სტუმრებმა თამაშის პირველივე წუთებიდან მოიპოვეს ტერიტორიული უპირატესობა.
საქართველოსა და შოტლანდიის ნაკრებები ისტორიაში უკვე მესამედ დაუპირისპირდნენ ერთმანეთს. ქართველმა სპორტსმენებმა სამივე მატჩი დათმეს – 2011 წელს მსოფლიო ჩემპიონატზე 6:15, სამი წლის წინანდელ ტესტ-მატჩში კილმარნოკში (შოტლანდია) – 16:43.
პარასკევს, 6 სექტემბერს გუნდები კვლავ დაუპირისპირდებიან ერთმანეთს, ამჯერად შოტლანდიაში. საქართველოს ნაკრებისთვის მომავალი ტესტ-მატჩი უკანასკნელი იქნება მსოფლიო ჩემპიონატისათვის მზადების ფარგლებში, რომელიც იაპონიაში 20 სექტემბრიდან 2 ნოემბრის ჩათვლით ჩატარდება.