თბილისი, 1 სექტემბერი - Sputnik ბათუმში, ანგისის დასახლებაში ტრაილერი მოპედს შეეჯახა, იუწყება აჭარის ტელევიზია.
შემთხვევა გუშინ ღამე, ბავშვთა საავადმყოფოსთან მოხდა. დაშავებულია მოპედის მძღოლი, 14 წლის ბიჭი. იგი სასწრაფო დახმარების ბრიგადამ საავადმყოფოში გადაიყვანა.
გამოძიება დაწყებულია სსკ-ის 276-ე მუხლის მეორე ნაწილით, რაც ტრანსპორტის ექსპლუატაციის წესების დარღვევას გულისხმობს, რამაც ადამიანის ჯანმრთელობის დაზიანება გამოიწვია.