თბილისი, 26 აგვისტო — Sputnik. აქტიურად მიმდინარეობს თიანეთისა და კახეთის დამაკავშირებელი 28-კილომეტრიანი გზის მშენებლობა, ნათქვამია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის განცხადებაში.
უწყების ინფორმაციით, ამ დროისთვის მიმდინარეობს გზის საფუძვლის ქვედა ფენისა და რკინა-ბეტონის მილების მოწყობა. დაგეგმილია არსებულ გრუნტის გზაზე სრული რეაბილიტაციის ჩატარება და ასფალტ-ბეტონის საფარიანი გზის მოწყობა.
გარდა ამისა, პროექტის მიხედვით, აღადგენენ არსებულ ხიდს და ააშენებენ ორ ახალ ხიდს.
რიკოთის უღელტეხილზე გზის მონაკვეთის მშენებლობა იწყება>>
პროექტის განხორციელების შემდეგ თიანეთსა და ახმეტას განახლებული და კომფორტული გზა დააკავშირებს. ამჟამად გზა დაზიანებულია და ამის გამო ავტომობილებს გადაადგილება უჭირს.
პროექტის ღირებულება 19 მილიონი ლარია.