თბილისი, 24 აგვისტო - Sputnik. სოფელ იყალთოში ორსართულიანი საცხოვრებელი სახლი დაიწვა, სადაც შვიდ შვილიანი ოჯახი ცხოვრობდა, იუწყება საზოგადოებრივი მაუწყებლის პირველი არხი.
დღეს თელავის მუნიციპალიტეტის ორ სოფელში იყო ხანძარი.
წინასწარი ინფორმაციით, ცეცხლი სახლზე სახურავიდან გავრცელდა. შედეგად არავინ დაშვებულა.
ადგილზე მობილიზებული იყო სახანძრო-სამაშველო სამსახური.
გარდა ამისა, დღეს ხანძარი იყო სოფელ რუისპირშიც, სადაც ცეცხლი ეკალ-ბარდებს გაუჩნდა და საცხოვრებელ სახლებზე გადასვლის საშიშროება არსებობდა, თუმცა ადგილობრივებმა სახანძრო-სამაშველო სამსახურის თანამშრომლებთან ერთად, ცეცხლი დროულად ჩააქრეს.
ამ დროისთვის მიმდინარეობს ხანძრის კერების ლიკვიდაცია.
ბოლო დღეებში საქართველოში ტყის ხანძრებს ებრძვიან. ყვარლისა და გორის მუნიციპალიტეტებში ცეცხლი ფოთლოვანი ტყეების ქვედა საფარს უკიდია.