თბილისი, 24 აგვისტო - Sputnik. ქობულეთში მომხდარი ავტოსაგზაო შემთხვევის შედეგად ორი ადამიანი დაშავდა, ოთხი ავტომობილი კი დაზიანდა, იუწყება აჭარის ტელევიზია.
ავტოსაგზაო შემთხვევა დღეს საღამოს ქობულეთში, აღმაშენებლის ქუჩაზე მოხდა. ერთმანეთს რამდენიმე ავტომობილი შეეჯახა.
დაშავებულები სასწრაფო-სამედიცინო დახმარების ბრიგადებმა სამედიცინო დაწესებულებაში გადაიყვანეს.
ადგილზე მობილიზებული იყვნენ სასწრაფო დახმარების ბრიგადები და პოლიცია.
საქმეზე გამოძიება საქართველოს სსკ-ის 276-ე მუხლის მეორე ნაწილით მიმდინარეობს, რაც გულისხმობს მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.