თბილისი, 17 აგვისტო – Sputnik. ყაზახეთში 29 წლის ქალმა ორი თვის განსხვავებით ორი ბავშვი გააჩინა, იუწყება საინფორმაციო სააგენტო РИА Новости ყაზახეთის ჯანდაცვის სამინისტროზე დაყრდნობით.
როგორც სამინისტროს განცხადებაშია აღნიშნული, მოხდა უნიკალური შემთხვევა: ქალმა გოგონა 25–ე კვირაზე იმშობიარა, ხოლო ორი თვისა და 16 დღის შემდეგ დაიბადა ვაჟი.
როგორც უწყებაში განმარტავენ, ასეთი უჩვეულო შემთხვევა ქალის ორგანიზმის ანატომიური განსაკუთრებულობით აიხსნება, კერძოდ, ორმაგი საშვილოსნოთი.
„სტატისტიკურად, ასეთ შემთხვევებში ცოცხალი ბავშვის დაბადების შანსია 1 50 მილიონზე. მაგრამ ექიმების პროფესიონალიზმის წყალობით, დედაც და ბავშვებიც კარგად არიან“, – ნათქვამია განცხადებაში.
გოგონა 850 გრამი და 42 სანტიმეტრი სიგრძისა მოევლინა ქვეყანას, ხოლო ბიჭი – 2,9 კილოგრამი და 50 სანტიმეტრი.