თბილისი, 16 აგვისტო — Sputnik. საერთო სამაგისტრო გამოცდების შედეგები გამოქვეყნდა, ამის შესახებ ინფორმაციას შეფასებისა და გამოცდების ეროვნული ცენტრი აქვეყნებს.
აპლიკანტებს მიღებული ქულების ნახვა ვებგვერდზე online.naec.ge-ზე შეუძლიათ.
სამაგისტრო გამოცდის სააპელაციო განაცხადების ვადაა 19 აგვისტოს 10:00 საათიდან 23 აგვისტოს 18:00 საათამდე ელექტრონულად ვებგვერდებზე online.naec.ge-სა და www.naec.ge-ზე.
სააპელაციო განაცხადის შევსებამდე საერთო სამაგისტრო გამოცდის მონაწილემ უნდა გადაიხადოს აპელაციის საფასური. ერთი საგნის გასაჩივრების საფასური 50 ლარია, თუმცა ქულის ცვლილების შემთხვევაში თანხა სრულად ბრუნდება უკან.
საფასური შესაძლებელია გადაიხადოს როგორც მაგისტრანტობის მსურველმა, ასევე სხვა პირმა, თუმცა გადახდისას უნდა მიუთითოს გამოცდის მონაწილის შესაბამისი მონაცემები.