მომღერალ თიკა ჯამბურიას ყოფილი დედამთილი ხათუნა ხოფერია ახალი რძლის და შვილის ფოტოებს აქვეყნებს და წერს, რომ მისი რძლის ფონზე, ჰოლივუდი ისვენებს. ფოტოებს უამრავი დადებითი კომენტარი აქვს.
ბექა ხოფერიას მეორე ცოლი ინა ხოფერიაა. წყვილმა ერთმანეთი მოსკოვში გაიცნო და 2015 წელს იქორწინა. ინა ოსიპოვა ნახევრად ქართველია, ნახევრად ასირიელი. განათლება მოსკოვში, შემდეგ კი იტალიაში მიიღო. „ვიპოვე ის, ვისაც დიდი ხანია ვეძებ“- ამბობდა მაშინ ბექა.
იმ დროს საზოგადოების ნაწილი ბექასა და თიკას შერიგებას მოელოდა, მაგრამ ამაოდ. ალბათ სწორედ ამიტომ, ახლადშეუღლებულების, უფრო მეტად კი ინასადმი საზოგადოების ნაწილი აგრესიას გამოხატავდა.
ახლადშექმნილ ოჯახს მალე ახალი წევრი შეემატა. ამჟამად წყვილს ორი გოგონა ჰყავს. მესამე გოგონა ბექას თიკა ჯამბურიასთან ქორწინებისას გაუჩნდა.