თბილისი, 14 აგვისტო — Sputnik. თბილისში ერთ-ერთი საცხოვრებელი სახლის მესამე სართულის აივანი ჩამოინგრა, იუწყება საზოგადოებრივი მაუწყებლის პირველი არხი.
შემთხვევა ზურაბ ჭავჭავაძის ქუჩაზე (ყოფილი შეროზიას ქუჩა - რედ.) გუშინ, საღამოს მოხდა.
საბედნიეროდ, შემთხვევის შედეგად არავინ დაშავებულა. ამასთან, არ დაზიანებულა აღნიშნულ ტერიტორიაზე მდგომი ავტომობილები.
ადგილზე მობილიზებული იყო სამაშველო და საპატრულო ეკიპაჟები.