სოციალური ქსელის მომხმარებელი ერთ-ერთ ჯგუფში წერს, რომ ტურისტებს აეროპორტის ტაქსმა ბახტრიონის ქუჩამდე 200 ლარი გამოართვა. მისი თქმით, ტაქსის მძღოლმა ბარგის ჩამოტანის შემდეგ იქაურობა მალევე დატოვა.
შემთხვევის შესახებ კი დეიდაშვილთან სტუმრობისას შეიტყო, რომელიც ერთ-ერთ სასტუმროში ადმინისტრატორად მუშაობს.
„მივედი, ვლაპარაკობდით და მოვიდა ოჯახი - 3 ადამიანი. დედა, მამა და პატარა ბავშვი მოიყვანა თბილისის საერთაშორისო აეროპორტის ტაქსმა. აეროპორტიდან ბახტრიონის ქუჩამდე 200 ლარი ღირს მოსვლა? ძალიან გაღიზიანებული ვარ. იცოდეთ, არ იმგზავროთ მაგ ტაქსით. როდესაც მოიყვანა, ბარგი ჩამოალაგა და მოტყდა ეგრევე, გაქრა და წავიდა. შემიძლია გავიგო რომელი ტაქსისტი იყო? სულ ყელში უნდა ამოვადინო ის 200 ლარი. არც შეერგება ეგეთი ფული“,- წერს მომხმარებელი.