თბილისი, 11 აგვისტო - Sputnik. ნორკის ადმინისტრაციულ რაიონში, ერთ-ერთ სასტუმრო კომპლექსთან ახლოს კვირას ძლიერ ხანძარი გაჩნდა: მწვანე ზონაში ცეცხლი ბალახის საფარს მოედო, იუწყება „Sputnik-სომხეთი“.
როგორც სომხეთის საგანგებო სიტუაციების სამინისტრო იუწყება, საგანგებო შემთხვევის შესახებ ზარი 11 აგვისტოს, 13:43 საათზე შევიდა.
აალების სირთულისა და საფრთხიდან გამომდინარე, ადგილზე ოთხი საბრძოლო ქვეგანაყოფი და კრიზისული სამმართველოს ოპერატიული რეაგირების ცენტრის ჯგუფები გავიდნენ. სიტუაციის გართულების გამო ხანძრის ადგილზე გაემართა ასევე 4 საბრძოლო ქვეგანაყოფი, ასევე დედაქალაქის მერიის წყალმზიდი. ცეცხლის ლოკალიზება 16:33 საათზე მოხერხდა.
ადგილზე იმყოფებოდა საგანგებო სიტუაციების მინისტრი ფელიქს ცოლაკიანი, რომელიც მითითებებს იძლეოდა.
სოციალურ ქსელში მომხმარებლები ძლიერი ხანძრის ამსახველ ვიდეოებს აქვეყნებენ.