თბილისი, 9 აგვისტო — Sputnik. თელავში საერთაშორისო მუსიკალური ფესტივალი 21-29 სექტემბრის პერიოდში ჩატარდება, იუწყებიან ორგანიზატორები.
მსმენელის წიანშე მუსიკოსების რამდენიმე თაობა წარდგება: პიანისტი ელისო ვირსალაძე, მევიოლინე კოლია ბლახერი, ვიოლონჩელისტი ალექსანდრე ბუზლოვი, დავით იოსტრახის სიმებიანი კვარტეტი, მევიოლინე მიურა ფუმიაკი, გორის ქალთა კამერული გუნდი, პიანისტი ნიკოლოზ ნამორაძე და ასევე თურქი პიანისტი ჯან კაჩმური.
საფესტივალო ორკესტრს უდირიჟორებს ფესტივალის ძველი მეგობარი, დირიჟორი ისრაელიდან არიელ ცუკერმანი. ღონისძიების ძირითადი ნაწილი, ტრადიციულად, გაიმართება წინანდალში ალექსანდრე ჭავჭავაძის სახლ-მუზეუმსა და თელავის სახელმწიფო დრამატულ თეატრში.
ფესტივალი 21 სექტემბერს, 19:00 საათზე თელავის სახელმწიფო დრამატულ თეატრში თურქი მევიოლინის კოლია ბლახერის კონცერტით გაიხსნება.
ორგანიზატორების ინიციატივით, ფესტივალის დასკვნით დღეს თბილისი-თელავი-თბილისის მიმართულებით სპეციალური ავტობუსები მეტრო „ავლაბრის"ტერიტორიიდან გავა.