ანდრეი სტენინმა სამხედრო ფოტოკორესპონდენტის პროფესია აირჩია, რათა აღებეჭდა, როგორ აისახება ადამიანთა ბედზე ისტორიული მოვლენები. ის ზუსტად გრძნობდა ხალხის ემოციებს და მათ საკუთარ ნამუშევრებში გადმოგვცემდა. სტენინი არ იღებდა რაც შეიძლება მეტი კადრს, ის ყველაზე მნიშვნელოვანის აღბეჭდვას ცდილობდა. ფოტოგრაფის ოსტატობა დაუფასებელი არ დარჩენილა: ის ორჯერ გახდა „ვერცხლის კამერის“ ჯილდოს ლაურეატი, იყო საერთაშორისო კონკურსის Picture of the Year International პრიზიორი, მისი ფოტოები საკუთარ პუბლიკაციებში გამოყენებული აქვს მსოფლიოს უმხსვილეს საინფორმაციო სააგენტოებს.
ავტომობილი რენო ლოგანი, რომლითაც ის დონეცკის ოქლის ქალაქ სნეჟნოესკენ მიემართებოდა ორ კოლეგასთან და ორ ამბოხებულთან ერთად, უკრაინის შეიარაღებული ძალების ცეცხლში მოყვა. ხუთივე მათგანი ადგილზე დაიღუპა. დამწვარი ავტომობილი რუსმა ჟურნალისტებმა 22 აგვისტოს აღმოაჩინეს.
ამ 16 დღის განმავლობაში ანდრეი სტენინს მთელი ქვეყანა ეძებდა. უკრაინის ხელისუფლება ხან აცხადებდა, რომ სტენინი დაკავებული იყო „ტერორისტებთან თანამშრომლობის“ გამო, ხან კი ამტკიცებდნენ, რომ მის შესახებ არაფერი სმენოდათ. როდესაც სიმართლე გაირკვა, ამაზე პასუხი არავის უგია.
ანდრეი სტენინი იღებდა საგანგებო შემთხვევებს, მასობრივ არეულობებს, სამხედრო კონფლიქტებს. ის პლანეტის ყველა ცხელ წერტილში იმყოფებოდა. მუშაობდა სირიაში, ღაზას სექტორში, ეგვიპტეში, ლიბიაში. მის კადრებს მსოფლიოს უდიდესი საინფორმაციო სააგენტოები იყენებდნენ.