მისი სავიზიტო ბარათი გამორჩეული გარეგნობაა. წითური თმა, ულამაზესი ღიმილი, თვალ-წარბი, სიმაღლე- მანიკა ასათიანის გარეგნობაში ყველაფერია, რაც თქვენს ყურადღებას მიიპყრობს. გარდა ამისა, მისი მეგობრული ოჯახი ბევრისათვის მისაბაძია.
მანიკა- მოდელი, ხოლო მისი მეუღლე ბექა წივწივაძე- კალათბურთელია. მანიკა 17 წლის იყო, როდესაც მომავალი ქმარი გაიცნო და მალე დაოჯახდნენ. 19 წლის დაფეხმძიმდა და ვაჟი- გიორგი გააჩინა.
წყვილი ერთად ხშირად ჩნდება. მანიკას და ბექას სხვადასხვა ღონისძიებებზე გამოჩენა პოზიტივს იწვევს. მოდელის ღიმილი და სპორტსმენის იუმორი ერთმანეთს ჰარმონიულად ერწყმის. სოციალურ ქსელში ატვირთულ ვიდეოებზეც კარგად ჩანს, რომ მათი ვაჟიც საკმაოდ პოზიტიური და ენერგიული ბიჭია.
ინტერვიუებში, მანიკა ხშირად იხსენებს, რომ ბექას გარეშე ცხოვრება არ შეუძლია. საზოგადოებას კი, ისინი უერთმანეთოდ ვერ წარმოუდგენია. რამდენიმე წლის წინ, მანიკას ჰქონდა შემთხვევა, როდესაც ბექასთან დროებით განშორება მოუწია. ის მილანში გაემგზავრა, ხოლო ბექა თბილისში თამაშობდა, ამის გამო მანიკა სასტუმროს ოთახში მონატრებისგან ტიროდა.
მანიკას და ბექას საერთო ვაჟი, როგორც უკვე ვახსენეთ საკმაოდ პატარა ასაკში შეეძინათ. ტელეწამყვანის კარიერის დასაწყისში ბიჭის აღზრდაში ბექას დედა ეხმარებოდა. წითური ბიჭუნა მანიკას ასლია და პირველ კლასში წელს წავიდა.
ცოტამ იცის, რომ ჟურნალისტის ნამდვილი სახელი მარიამია. აღმოჩნდა, რომ დახვეწილი მანიკას და ბავშვობაში ასო „რ“- ს ვერ წარმოთქვამდა. ხან მანის ეძახდა, ხან კი მანიკას. ეს ზედმეტსახელი ტელეწამყვანს შერჩა და სახელად გადაექცა.