თბილისი, 5 აგვისტო — Sputnik. მთაწმინდის პარკი 28 სექტემბერს პატარა თბილისელებს საბავშვო ფესტივალზე ეპატიჟება, იუწყებიან ორგანიზატორები.
ღონისძიების სტუმრებს უამრავი გასართობი ელის. მოეწყობა სპორტული და ინტელექტუალური თამაშები. ბავშვებს გაამხიარულებენ ანიმატორები.
ფესტივალში მონაწილეობას მიიღებს ასევე წიგნების გამომცემელთა და გამავრცელებელთა ასოციაცია და შესაბამისად, ფესტივალის სტუმრებს საბავშვო ლიტერატურის გაცნობის და შეძენის შესაძლებლობა ექნებათ.
საბავშვო ფესტივალი მთაწმინდაზე მეორედ ტარდება. მაშინ ორგანიზატორები პირობას დებდნენ, რომ ღონისძიება ყოველწლიური გახდებოდა.
ღონისძიების დასწრება თავისუფალია. დასაწყისი 11:00 საათზე.