პოპულარული სერიალის „ჩემი ცოლის დაქალების“ მსახიობი გიორგი მახარაძე სიმსივნური დაავადებისგან განიკურნა. ინფორმაციას სოციალურ ქსელში თოდუას სამედიცინო ცენტრი ავრცელებს.
კლინიკის მიერ გავრცელებულ ინფორმაციაში ნათქვამია, რომ გიორგის სათესლე ჯირკვლის ავთვისებიანი სიმსივნე 2017 წელს დაუდგინდა, ჩაუტარდა ოპერაციული მკურნალობა და ქიმიოთერაპია. დღეისათვის მსახიობი რეგულარულ საკონტროლო კვლევებს იტარებს, რაც აჩვენებს, რომ სიმსივნური დაავადებისგან თავისუფალია.
„ჩვენ მაინც ადრე გვახსოვს, რომ თუ ამ დიაგნოზს გავიგებდით, მორჩა, მთავრდებოდა ყველაფერი. საერთოდ არ არის ეგრე! ცხოვრების ერთ-ერთ გამოცდილებად შეიძლება მიიღო, რის მერეც რაღაცები აუცილებლად სხვანაირად ლაგდება!“ – აღნიშნულია ინფორმაციაში.
გიორგი მახარაძე პოპულარობით გოგონებში სარგებლობს, თუმცა, მისი გული უკვე დაკავებულია და წლებია, მარიამ ნადირაძის შეყვარებულია. ერთი პერიოდი წყვილი დაშორდა, თუმცა „მაქსიმეს“ შემსრულებელმა გიორგი მახარაძემ შეყვარებული დაიბრუნა.
გიორგი მახარაძე: 11 წელი ვთამაშობდი კალათბურთს >>>
მძიმე წუთებში, როდესაც გიორგის სიმსივნე დაუდგინდა, მარიამი განსაცდელის დროს გვერდიდან არ მოშორებია, ისინი ერთად ცხოვრობენ და დაოჯახებასაც გეგმავენ.
როგორც მარიამმა ერთ-ერთ ინტერვიუში აღნიშნა, საყვარელმა კაცმა მას ხელი უცხოეთში სთხოვა. რაც შეეხება ქორწილს, ზუსტი თარიღი ჯერჯერობით წყვილმა არ იცის, თუმცა, სადა წვეულების მოწყობას გეგმავენ.