თბილისი, 1 აგვისტო — Sputnik. თბილისში არაფხიზელ მდგომარეობაში მყოფმა 63 წლის მამაკაცმა ცოლის მოკვლა სცადა, ნათქვამია შსს-ს მიერ გავრცელებულ განცხადებაში.
შემთხვევა 28 ივლისს მოხდა.
გამოძიებით დადგინდა, რომ ალკოჰოლის ზემოქმედების ქვეშ მყოფმა მამაკაცმა ოჯახური კონფლიქტის დროს 50 წლის ქალს დანით რამდენიმე ჭრილობა მიაყენა და მიიმალა.
შესაბამისი სამედიცინო დახმარების გაწევის შედეგად დაზარალებული ქალის სიცოცხლეს საფრთხე არ ემუქრება.
შსს-ს ინფორმაციით, პოლიციამ მამაკაცი მომხდარი ფაქტიდან რამდენიმე საათში ახმეტაში დააკავა.
გამოძიება განზრახ მკვლელობის მცდელობის ფაქტზე მიმდინარეობს. დანაშაული 13-დან 17 წლამდე ვადით თავისუფლების აღკვეთას ითვალისწინებს.