თბილისი, 31 ივლისი — Sputnik. ზუგდიდში ჭის თხრისას მიწის ქვეშ მოყოლილი 72 წლის მამაკაცი 13-საათიანი სამძებრო-სამაშველო სამუშაოების შემდეგ გარდაცვლილი იპოვეს, იუწყება ტელეკომპანია Rustavi 2.
ცხედარი ქუთაისში, სამხარაულის ექსპერტიზის ბიუროშია გადასვენებული.
შემთხვევა ზუგდიდში, მედეას ქუჩაზე გუშინ მოხდა.
გავრცელებული ინფორმაციით, მამა-შვილი ეზოში ჭას თხრიდა, რა დროსაც მიწა ჩამოიშალა და ნაშალმა დაახლოებით 9 მეტრის სიღრმეში მყოფი 72 წლის მამაკაცი მოიყოლა.
მოხუცი დაქირავებული მუშა იყო და ის შვილთან ერთად წლების განმავლობაში მსგავს საქმიანობას ეწეოდა.
შსს-ს ინფორმაციით, გამოძიება სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.