თბილისურმა საფეხბურთო კლუბმა „საბურთალომ“ უეფას ჩემპიონთა ლიგის მეორე შესარჩევ რაუნდში ზაგრების „დინამოსთან“ მარცხი განიცადა ანგარიშით 0:3. იხილეთ „Sputnik-საქართველოს“ ფოტოკადრები, თუ როგორ ჩატარდა შეხვედრა.
უეფას ჩემპიონთა ლიგიდან გავარდნის მიუხედავად გიორგი ჭიაბრიშვილის აღსაზრდელები ევროთასების კამპანიაში კვლავ რჩებიან. „საბურთალო“ უეფას ევროპის ლიგის მესამე შესარჩევ რაუნდში განაგრძობს გამოსვლას. ქართული კლუბის მეტოქე ერევნის „არარატი“ იქნება.
პირველი შეხვედრა „საბურთალოსა“ და „არარატს“ შორის 8 აგვისტოს ერევანში გაიმართება, საპასუხო მატჩი კი – ერთი კვირის შემდეგ თბილისში.