ბათუმში მიტინგის მონაწილეები რუსეთთან ურთიერთობის დალაგებას მოითხოვდნენ

ბათუმში რუსეთთან ურთიერთობის დალაგების მოთხოვნით მიტინგი გაიმართა. იხილეთ „Sputnik-საქართველოს“ ფოტომასალაში, თუ როგორ მიმდინარეობდა საპროტესტო აქცია.

საპარლამენტო ოპოზიციურმა პარტია „საქართველოს პატრიოტთა ალიანსმა“ კვირას, საღამოს ერას მოედანზე თანამოაზრეებს მოუხმო და რუსეთთან ურთიერთობის დალაგების მხარდამჭერი მიტინგი გამართა.

„საქართველოს პატრიოტთა ალიანსმა“ ბათუმში აქცია მოსკოვში ვიზიტით ყოფნიდან ორი კვირის შემდეგ გამართა.

პარტიის მთავარი მოთხოვნა იყო ქართულ-რუსული ურთიერთობების კრიზისამდე არსებულ დონეზე დაბრუნება და საქართველოს მიერ უარის თქმა სამხედრო ბლოკებზე.

1 / 10

კვირას საღამოს ბათუმში რამდენიმე ათასმა ადამიანმა საპროტესტო აქციაზე რუსეთთან ურთიერთობის დალაგება მოითხოვა

2 / 10

აქციის ორგანიზატორები იყვნენ „საქართველოს პატროიტთა ალიანსის“ წევრები

3 / 10

აქციის ძირითადი მოთხოვნები იყო პირდაპირი დიალოგი სოხუმთან, სამაჩაბლოსთან და მოსკოვთან საქართველოს ტერიტორიული მთლიანობის აღდგენის მიზნით და „ერთიანი ნაციონალური მოძრაობის“ დანაშაულებრივ პოლიტიკურ ძალად გამოცხადება

4 / 10

მოთხოვნებს შორის ასევე გაჟღერდა ქართულ-რუსული ურთიერთბების კრიზისამდე მდგომარეობაში დაბრუნება

5 / 10

პარტიის ლიდერმა დავით თარხან-მოურავმა განაცხადა, რომ საქართველომ ტერიტორიული მთლიანობა მშვიდობიანი გზით უნდა აღიდგინოს, პირდაპირი დიალოგით როგორც მოსკოვთან, ისე სოხუმთან და სამაჩაბლოსთან

6 / 10

„პატრიოტთა ალიანსი“ არის პარტია, რომლის დეპუტატებიც 2017 წლიდან მოსკოვში შეხვედრებზე დადიან სახელმწიფო დუმის წევრებთან და რუსეთის ფედერაციის საბჭოს სენატორებთან, თუმცა საკუთარი ინიციატივით, რითაც ქვეყნებს შორის ურთიერთობის დალაგებას ცდილობენ

7 / 10

მიტინგი რუსეთთან მწვავე დაძაბულობის ფონზე გაიმართა

8 / 10

რამდენიმე დღის წინ „პატრიოტთა ალიანსმა“ შეხვედრა გამართა რუსული და ქართული მედიის წარმომადგენლებთან, სადაც ისაუბრეს საქართველოს და რუსეთს შორის ურთიერთობის დალაგების საკუთარ ხედვებზე

9 / 10

სამხედრო ნეიტრალიტეტი - ეს არის პირველი ნაბიჯი, რომელიც დადებით ცვლილებებს მოიტანს, განაცხადა დავით თარხან-მოურავმა

10 / 10

„პატრიოტთა ალიანსი“ აცხადებს, რომ ისინი სექტემბერში განაგრძობენ აქციების გამართვას