ხანძრის შედეგად პორტუგალიაში 30-ზე მეტი ადამიანი დაშავდა. იხილეთ „Sputnik-საქართველოს“ ფოტომასალაში მძვინვარე სტიქიის სურათები.
ძლიერი ხანძარი მოედო პორტუგალიის ცენტრალურ რეგიონებს. მძვინვარე ბუნებრივი სტიქიის შედეგად სულ ცოტა 30 ადამიანი დაშავდა. ერთ-ერთი მათგანი მძიმე მდგომარეობაშია. დაზარალებული ვერტმფრენით გადაიყვანეს ლისაბონის საავადმყოფოში.
ხანძარი შაბათს ვილა-დი-რეის მუნიციპალიტეტში გაჩნდა, შემდეგ მეზობლად მდებარე მასანის მუნიციპალიტეტსაც მოედო, რომელიც სანტარეს ოლქის შემადგენლობაში შედის.
ხანძრის ლოკალიზაციის ოპერაციაზე 800-ზე მეტი მეხანძრე მუშაობს. ალის ჩასაქრობად გამოიყენება ოცამდე სახანძრო თვითმფრინავი და ასობით სპეცტექნიკა.