ვინ არის ქალი, რომელზეც რეზო გიგინეიშვილმა იქორწინა – ფოტოები

37 წლის რეჟისორი 35 წლის ნადეჟდა ობოლენცევაზე დაქორწინდა.

რეზოსთვის ეს მესამე ქორწინებაა. ასევე მესამეა ნადეჟდასთვის. პირველად ის მილიონერ დენის მიხაილოვზე დაქორწინდა და მასთან ერთად სამი წელი ამერიკაშიც ცხოვრობდა. შემდეგ წყვილი დაშორდა და ნადეჟდა მეორედ Нефтегазиндустрия-ს ტოპ-მენეჯერზე აირატ ისხაკოვზე გათხოვდა.

2017 წელს მასაც დაშორდა და სწორედ ამ პერიოდიდან იწყება რეზოსა და მისი სიყვარულის ისტორია.

რაც შეეხება რეზოს, მისი პირველი მეუღლე „ვარსკვლავების ფაბრიკის“ მონაწილე ნასტია კოჩეტკოვა გახლდათ. წყვილი 2009 წელს დაშორდა.

მათ საერთო შვილიც ჰყავთ. კოჩეტკოვასთან დაშორების შემდეგ რეზომ ნიკიტა მიხალკოვის ქალიშვილზე ნადიაზე იქორწინა და ქორწილი საქართველოში გადაიხადა.

2013 წელს მათ ჯვარი ბოდბის მონასტერში დაიწერეს, შეეძინათ ქალიშვილი ნინო. ნადია ყველა ინტერვიუში ამბობდა, რომ რეზიკოსთან ბედნიერი იყო, მაგრამ ამ ბედნიერებამ მხოლოდ რამდენიმე წელს გაძლო და წყვილი ერთმანეთს დაშორდა.