ინდოეთში კალაპოტიდან გადმოვიდა თერთმეტი მდინარე, მათ შორის ერთ-ერთი ყველაზე დიდი – ბრაჰმაპუტრა. იხილეთ „Sputnik-საქართველოს“ ფოტომასალაში წყალდიდობის შედეგების სურათები.
დაახლოებით 5,1 მილიონი ადამიანი იმყოფებოდა წყალდიდობის ზონაში ინდოეთის ჩრდილო-აღმოსავლეთ შტატ ასამში, სადაც უკვე რამდენიმე კვირაა ძლიერი წვიმაა.
აღმოსავლეთ შტატ ბიჰარში წყალდიდობამ ათი რაიონი დააზარალა, სტიქიური უბედურების ზონაში დაახლოებით ორი მილიონი მოსახლეა.
ინდოეთში წვიმის სეზონი ივნისში იწყება და სექტემბრამდე გრძელდება. ამ პერიოდში რეგულარულად მოდის ძლიერი წვიმა, რის გამოც ხშირია წყალდიდობა და მდინარეების ადიდება.