სამი გუნდი ევროპულ საფეხბურთო ფორუმზე და მოფარიკავეთა კვარტეტის შანსი მსოფლიო პირველობაზე

გასული კვირის სპორტული ამბებიდან გამოსარჩევი, ისევ უეფას ჩემპიონთა და ევროპა ლიგის განმეორებითი შეხვედრებია. 

მოგეხსენებათ, ქართული გუნდებიდან, მომდევნო ეტაპზე გასვლის მეტ-ნაკლები შანსი ოთხივეს ჰქონდა. ჯერ ჩემპიონთა ლიგაზე მოასპარეზე „საბურთალო“ დაუხვდა მოლდოვურ „შერიფს“ და რომ ეგონათ, თავი ქუდში ჰქონდათ (სტუმრად 3:0 მოიგეს), 10 წუთში ცივი შხაპი მიიღეს. ჯერ სტუმართა კოსოვოელმა ნახევარმცველმა ლაფიტიმ დებიუტშივე გახსნა ანგარიში. შემდეგ მარგველაშვილმა განივი გადაცემისას ბურთი საკუთარ კარში ჩაჭრა, მე-10 წუთზე კი კამერუნელმა თავდამსხმელმა ტამბემ ანგარიში 0:3 გახადა. ამაზე უარესი რა უნდა მომხდარიყო ძნელი წარმოსადგენია.