მათ მიმართ ინტერესი სულ უფრო და უფრო იზრდება. დროთა მანძილზე ერთად თანაცხოვრებამ და-ძმას დაამსგავსა და მათ თაყვანისმცემლებში სამმაგი სიყვარული გამოიწვიეს. ეს გასაოცარი ფოტოები გულგრილს ვერ დაგტოვებთ.
ნოემ და ჯანეტმა ერთმანეთი დიდი ხნის წინ გაიცნეს, მაგრამ უშუალო შეხება არასდროს ჰქონდათ. ერთმანეთის საქმიანობით იყვნენ დაინტერესებული, თუმცა პირადად არ ხვდებოდნენ, სანამ ნოემ არ გადადგა პირველი ნაბიჯი და ერთმა მესიჯმა ყველაფერი თავდაყირა დააყენა. მათი ქორწილის ყველა დეტალი საზოგადოებისთვის კარგადაა ცნობილი. ახლა კი დროა ნოემ და ჯანეტმა მოგზაურობის ერთობლივი ბლოგი შექმნან.
ახლად დაოჯახებული ნოე და ჯანეტი შესაშურ მოგზაურობას ინტენსიურად და დიდი სიამოვნებით განაგრძობენ. Instagram-ის ბოლო ფოტოებზე დაყრდნობით, წყვილი ესპანეთის ერთ-ერთ ულამაზეს კუნძლზე ისვენებს.
მანამდე იყო რუსეთი, თურქეთი, იტალია, ავსტრია. ქვეყნების სია ამით არ წყდება. ერთად ინგლისამდე მივიდნენ და ოქსფორდიდან ულამაზესი ფოტო გამოაქვეყნეს. სადაც ტრადიციული ინგლისური ტაქსები და უზარმაზარი წითელი ავტობუსები ჩანს. ფოტოს ჯანეტის ნაზი სახე და ნოეს ქარიზმატული მზერა ამშვენებს.
სოციალურ ქსელში განვითარებული ურთიერთობა აქვე გრძელდება. Instagram–Facebook თაყვანისმცემლებისთვის უზარმაზარი დახმარებაა, რადგან წყვილი სხვადასხვა გადაცემებში არ ჩნდება. კამერების წინ პირველად გადაცემა „პრაიმ-შოუში“ გამოვიდნენ, რომელის პროდიუსერი და ერთ-ერთი წამყვანი ნოე სულაბერიძეა და გულახდილად ისაუბრეს სიყვარულის განვითარებაზე.
აშკარაა, რომ წყვილს ერთად მოგზაურობაც შეუყვარდა. გადაღებების გარდა, გამოცდილი მოგზაურებივით მიემგზავრებიან ახალი აღმოჩენების, შეგრძნებების და შთაბეჭდილებებისკენ.