პუერტო-რიკოში ბოლო ათწლეულის განმავლობაში ყველაზე მასობრივი საპროტესტო აქციები იმართება. იხილეთ „Sputnik-საქართველოს“ ფოტოკადრებში კუნძულის მოსახლეობის დემონსტრაცია გუბერნატორ რიკარდო როსელოს წინააღმდეგ.
მასობრივი დემონსტრაციები მას შემდეგ დაიწყო, რაც Telegram-ის მესენჯერში გუბერნატორის პირადი მიმოწერა გავრცელდა, სადაც ის შეურაცხმყოფელად საუბრობს ქალებზე, ჟურნალისტებზე და არატრადიციული ორიენტაციის გამო აკრიტიკებს მომღერალ რიკი მარტინს.
ამ ყველაფერმა პუერტო-რიკოში არეულობები გამოიწვია. წინა ორშაბათს, საღამოს მოსახლეობა ქუჩაში გამოვიდა პროტესტით და პოლიტიკოსის გადაყენება მოითხოვა.