თბილისი, 17 ივლისი — Sputnik. ზუგდიდში, რუსთაველისა და კოსტავას ქუჩების კვეთაზე მდებარე შუქნიშანთან, 15 წლის მოზარდს ტაქსი დაეჯახა, - იტყობინება Sputnik საქართველოს კორესპონდენტი შემთხვევის ადგილიდან.
თვითმხილველების ცნობით, შემთხვევა მაშინ მოხდა, როდესაც შუქნიშანზე წითელი ენთო და წესით, ავტომობილებს მოძრაობა უნდა შეეწყვიტათ და გზა ფეხით მოსიარულეებისთვის დაეთმოთ.
დაშავებული მოზარდი ზუგდიდის რეფერალურ საავადმყოფოში გადაიყვანეს.
შსს-ს ინფორმაციით, მომხდარ ფაქტთან დაკავშირებით აღძრულია სისხლის სამართლის საქმე 276-ე მუხლის მეორე ნაწილით, რაც ტრანსპორტის მოძრაობის ან უსაფრთხოების წესების დარღვევას გულისხმობს.
ნიკა ლატარია