დიზაინერი ანუკი არეშიძე ამბობს, რომ ბულინგის მსხვერპლი ხშირად გამხდარა და ხანდახან დღეები არ უჭამია ნერვიულობის გამო. გადაცემა „სთორიში“ დიზაინერმა ერთი შემთხვევა გაიხსენა, როდესაც ერთ-ერთი ცნობილი ქალბატონისგან უსამართლო კრიტიკის მსხვერპლი გახდა.
მისი თქმით, ქალმა ის რუსულის არცოდნის გამო გააკრიტიკა.
„მე მომწონდა ის ქალბატონი, გარეგნულადაც და საქმიანობითაც. მივწერე, „მისაბაძი იყავით ყოველთვის და გული დამწყდა“. და ბოდიში მომიხადა. კრიტიკა რომ ყოფილიყო სწორი, არ მივწერდი. ძალიან ვინერვიულე, ასაკიანი ქალბატონი იყო და მაშინ 23 წლის ვიყავი. დედისტოლა ქალბატონია. დღეს რომ ვხვდებით ერთმანეთს, ძალიან სასიამოვნოდ და კარგად ვხვდებით. ვაპატიე, თუმცა საპატიებელიც არ იყო, თავისი აზრი გამოთქვა ერთადერთი, რაც მეუხერხულა, ის იყო, რომ ოდნავ პირად ამბავს შეეხო“, – ამბობს დიზაინერი.
მაშინ ეს ვიდეო ია ფარულავამ შემდეგი სტატუსით გამოაქვეყნა:
„შვილო, ქართულად ილაპარაკე, თუ რუსული არ იცი. შემრცხვა“. მოგვიანებით კი კარგი რუსულის მასწავლებელიც ურჩია და თან დააყოლა, რომ თარჯიმნის დაქირავება ნახევარი „ტუფლის“ ფულიც არ დაუჯდება.