თბილისი, 10 ივლისი - Sputnik. გურჯაანის რაიონის სოფელ ბაკურციხეში ვენახები იწვის, იუწყება საზოგადოებრივი მაუწყებლის პირველი არხი.
ტელეკომპანიის ინფორმაციით, ცეცხლი დაახლოებით 10 ჰექტარ ფართობ ტერიტორიაზეა გავრცელებული.
საგანგებო სიტუაციების მართვის სამსახურის ინფორმაციით, ადგილზე ხუთი სახანძრო-სამაშველო ბრიგადაა მობილიზებული. მიმდინარეობს ხანძრის ლოკალიზება.
ხანძრის გაჩენის მიზეზი უცნობია.