პარტიის „სამართლიანობისთვის“ ლიდერმა ეკა ბესელიამ გადაცემა „სთორიში“ მის პროფესიაში ყველაზე მნიშვნელოვანი მიღწევა გაიხსენა. მისი თქმით, ეს იყო უვადო პატიმრობამისჯილი ადამიანის საქმე, რომელიც საბოლოოდ მისი 5 წლის მუშაობის შემდეგ უზენაესმა სასამართლომ უდანაშაულოდ ცნო.
ეკა ბესელიას თქმით, ეს იყო მის ცხოვრებაში ერთ-ერთი ყველაზე საამაყო მომენტი, როდესაც ფაქტობრივად ერთი ადამიანის ცხოვრება მთლიანად შეცვალა.
„სიკვდილმისჯილთა საკანში იჯდა, არაადამიანურ პირობებში. მკვლელობა-ყაჩაღობის საქმეზე იყო დაკავებული. ფაქტობრივად ერთი პროცენტი იყო ამ საქმიდან რაიმეს შეცვლის შანსი, თუმცა მე მარტივი საქმეები არ მიყვარს", – ამბობს ეკა ბესელია.
იურისტი იხსენებს, რომ შემთხვევა 2001-2002 წელს მოხდა.