რუსთაველის პროსპექტზე დაწყებული პროტესტების მესამე დღე პლაკატების მრავალფეროვნებით გამოირჩეოდა. ხალხი ცოტა იყო, თუმცა მტკიცედ განწყობილი. იხილეთ Sputnik-საქართველოს ფოტოლენტა ადგილიდან.
შაბათს აქციაზე ბევრი პლაკატი გაჩნდა შინაგან საქმეთა მინისტრ გიორგი გახარიას გადადგომის მოთხოვნით. გარდა ამისა, სიტყვით გამომსვლელები მოითხოვდნენ ვადამდელ საპარლამენტო არჩევნებს, მთავრობის გადადგომას და აკრიტიკებდნენ „ქართული ოცნების“ კურსს.
აქცია მმართველი პარტიის ოფისისკენ მსვლელობით გაგრძელდა, სადაც მომიტინგეები ერთხანს მთავრობის გადადგომის მოთხოვნით ლოზუნგებს სკანდირებდნენ, შემდეგ კი დაიშალნენ.
საპროტესტო აქცია კვირას, 19:00 საათზე უნდა გაგრძელდეს იგივე ადგილზე, რუსთაველის პროსპექტზე. თუ დღეს მომიტინგეების მოთხოვნები არ შესრულდება, მათი განცხადებით, უვადო შიმშილობას დაიწყებენ.