თბილისში, რუსთაველის გამზირზე, დღეს საპროტესტო აქცია დაიწყო. ოპოზიციამ პროტესტის დიდი ტალღა მას შემდეგ ააგორა, რაც რუსეთის სახელმწიფო დუმის დეპუტატი, კომუნისტური პარტიის წევრი სერგეი გავრილოვი ამ დილით საქართველოს საკანონმდებლო ორგანოს თავმჯდომარის სავარძელში აღმოჩნდა
გავრილოვი თბილისში დელეგაციასთან ერთად მართლმადიდებლობის პარლამენტთაშორისი ასამბლეის სესიაზე დასასწრებად ჩამოვიდა. გავრილოვი ამ ორგანიზაციის გენერალური ასამბლეის პრეზიდენტია.
მშვიდობიანი ფორმით დაწყებულ აქციაზე რამდენიმე საათის წინ ვითარება დაიძაბა. მომიტინგეებმა პარლამენტის შენობაში შეჭრა სცადეს, რასაც სამართალდამცველებმა საბოლოოდ ცრემლსადენი გაზი და რეზინის ტყვიები დაუპირისპირა.
აქცია ამ წუთებშიც გრძელდებ, თუმცა ხალხის რაოდენობა საგრძნობლად შემცირდა.