საქართველოს საფეხბურთო ნაკრებმა გიბრალტარის გუნდი დაამარცხა ანგარიშით 3:0. იხილეთ Sputnik-საქართველოს საუკეთესო სურათები მატჩიდან, რომელიც თბილისში „დინამო არენაზე“ გაიმართა
ეჭვი არავის ეპარებოდა, რომ საქართველოს გუნდი ევროპის ერთ-ერთ ყველაზე სუსტ ნაკრებს დაამარცხებდა, თუმცა პირველ გოლამდე გულშემატკივარს 30 წუთი მოუწია ლოდინი.
საქართველოს ნაკრების დებიუტანტმა ხვიჩა კვარაცხელიან და ოთარ კაკაბაძემ ბურთი მარჯვენა ფლანგზე გაათამაშეს, რის შემდეგაც ის ვაკო გვილიამ მიიღო და ძლიერად დაარტყა მაღალ კუთხეში. კაილ გოლდვინი უძლური აღმოჩნდა მეტოქის წინაშე. შემდეგ ქართველმა ფეხბურთელებმა კიდევ ორი გოლი გაიტანეს მოწინააღმდეგის კარში.
ვლადიმერ ვაისის აღსაზრდელებისათვის გიბრალტარის გუნდზე გამარჯვება ევრო-2020-ის შესარჩევ ციკლში პირველია.
შემდეგ შესარჩევ მატჩს საქართველოს ნაკრები 10 ივნისს დანიის გუნდის წინააღმდეგ გასვლაზე გამართავს.