თბილისი, 6 ივნისი — Sputnik. ყაზბეგში, დაბა სტეფანწმინდაში მდებარე სასტუმრო „რუმს ჰოტელ ყაზბეგის" კუთვნილი ვერტმფრენი ე.წ. „ყანების ტერიტორიაზე", დაუსახლებელ ადგილზე ჩამოვარდა, იუწყება საზოგადოებრივი მაუწყებლის პირველი არხი.
ამ დროისთვის გავრცელებული ინფორმაციით, შემთხვევის შედეგად ვერტმფრენის ბორტზე მყოფი სამივე ადამიანი: ეკიპაჟის წევრები -პილოტი, გიდი და სასტუმრო „რუმსის" ერთი თანამშრომელი გარდაიცვალა.
მომხდარ ფაქტზე გამოძიება სსკ-ის 275-ე მუხლის მეექვსე ნაწილით, საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევის ფაქტზე მიმდინარეობს, რასაც მოჰყვა ორი ან მეტი ადამიანის სიცოცხლის მოსპობა.
უბედური შემთხვევა დაახლოებით ერთი საათის წინ მოხდა.