თბილისი, 5 ივნისი — Sputnik. საქართველოს ქალთა საჭადრაკო ნაკრების ლიდერმა ნანა ძაგნიძემ (მე-11 ადგილი ფიდეს რეიტინგში) ფიდეს 2019 წლის პრეტენდენტთა ტურნირზე ყაზანში ზედიზედ მესამე გამარჯვება მოიპოვა.
მეოთხე ტურში ძაგნიძემ თეთრი ფიგურებით რუს ვალენტინა გუნინას მოუგო 30-ე სვლაზე.
ქართველი მოჭადრაკე პრეტენდენტთა ტურნირზე ყაზანში ლიდერთა შორის არის >>
გამართული ოთხი პარტიის შემდეგ ძაგნიძის აქტივში 3,5 ქულაა და ის ტურნირის ერთპიროვნული ლიდერია. სამი ქულა დააგროვა რუსმა ალექსანდრა გორიაჩკინამ და ის სატურნირო ცხრილში მეორე პოზიციას იკავებს.
ოთხშაბათს, 5 ივნისს ნანა ძაგნიძე (შავი ფიგურებით) ეთამაშება ალექსანდრა კოსტენიუკს რუსეთიდან, ხოლო გორიაჩკინა ჩინელ ტან ჩჟუის დაუპირისპირდება.
პრეტენდენტთა ტურნირი ორწრიული სისტემით ჩატარდება – რვა მონაწილიდან თითოეული ყველა მონაწილესთან ორ პარტიას ითამაშებს: ერთს თეთრით, მეორეს – შავი ფიგურებით.
ტურნირის საპრიზო ფონდი 200 ათასი ევროა, რომელიც მონაწილეთა შორის დაკავებული ადგილების მიხედვით გადანაწილდება.
ნონა გაფრინდაშვილი: ინტერნეტმა ჭადრაკს ბევრი რამ დააკარგვინა საქართველოში >>
ტურნირი 18 ინისამდე გაგრძელდება. ტურნირის გამარჯვებული მოქმედ მსოფლიო ჩემპიონთან, ჩინელ ცზიუ ვენცზიუნთან თამაშის უფლებას მოიპოვებს.