გამანადგურებელი ტორნადო აშშ-ში – სტიქიური უბედურების ამსახველი ფოტოები

აშშ-ის რამდენიმე შტატს – ოჰაიოს, კანზასს, ტეხასს, ოკლაჰომასა და პენსილვანიას მაისის ბოლოს ძლიერმა ტორნადომ გადაუარა. იხილეთ „Sputnik-საქართველოს“ ფოტომასალაში სურათები სტიქიის ადგილებიდან.

ჩამოთვლილ შტატებში ტორნადოს უმაღლესი დონის საფრთხე გამოცხადდა. მხოლოდ ერთ დღე-ღამეში სინოპტიკოსებმა ათობით გიგანტური ქარბორბალა შენიშნეს. სტიქია გზად ყველაფერს ანადგურებდა სახლების, ხეებისა და ავტომობილების ჩათვლით. ზოგან ტორნადოს ახლდა ძლიერი წვიმა და სეტყვა. ქარის სიჩქარე საათში 120 კილომეტრს აჭარბებდა.

რისკის ზონაში აღმოჩნდა ცენტრალური შტატების მილიონობით მოსახლე. ამასთან, ქარიშხალი ყველაზე სერიოზულ საფრთხედ არ მიიჩნევა. მეტეოროლოგების აზრით, რეგიონში ნებისმიერ დროს შესაძლოა მოხდეს წყალდიდობა, ვინაიდან წყლის დონემ უკვე 15 სანტიმეტრით აიწია და განაგრძობს მატებას.

1 / 16

ასე გამოიყურება ტორნადოს შემდეგ ოჰაიოს ქალაქი დეიტონი. შტორმის შედეგად, ნგრევის გარდა, ათასობით ადამიანი წყლისა და ელექტროენერგიის გარეშე დარჩა

2 / 16

2019 წლის დასაწყისიდან აშშ-ის ტერიტორიაზე რეკორდული რაოდენობის ქარიშხლები იყო

3 / 16

2019 წლის დასაწყისიდან აშშ-ის ტერიტორიაზე დაახლოებით 1000 ტორნადო დაფიქსირდა. ეს საშუალოდ 200-ით მეტია წინა წლებთან შედარებით

4 / 16

სეზონზე ტორნადო კვლავ ბობოქრობს, რასაც წყალდიდობა და ძლიერი წვიმები მოყვება. ქარიშხალი ანადგურებს სახლებსა და ინფრასტრუქტურას, საფრთხე ექმნება ათასობით ადამიანის სიცოცხლეს

5 / 16

შტატებში, რომლებშიც ტორნადოს საშიშროებაა, გამოცხადებულია საგანგებო სიტუაცია. მოსახლეობა ტოვებს სახლებს. უკან დაბრუნებულთა დიდ ნაწილს საკუთარი საცხოვრებლისგან მხოლოდ ნანგრევები ხვდება

6 / 16

ტორნადოს შედეგები შემაძრწუნებელია. თუმცა უბედურებები, რომლებსაც ტორნადო იწვევს, კიდევ უფრო დამანგრეველია - მაგალითად, წყალდიდობა

7 / 16

ტორნადოსა და წვიმის გამო დიდ მდინარეებში წყლის დონემ კრიტიკულ მაქსიმუმს მიაღწია. ეს შესაძლოა არანაკლებ სერიოზულ პრობლემად იქცეს

8 / 16

ხანდახან სტიქიის შეტევა საკმაოდ ძლიერია, რაც მნიშვნელოვნად ცვლის პეიზაჟს. ასე გამოიყურება ქალაქი ეუდორი სტიქიური უბედურების შემდეგ

9 / 16

ხდება ისეც, რომ სტიქიური უბედურების შედეგად დანგრეული სახლების ბინადრები აღარ უბდუნდებიან წინანდელ საცხოვრებელს. ისინი გადადიან სხვაგან და მიაქვთ ყველაზე ძვირფასი ნივთები და ის, რისი გადარჩენაც მოხერხდა

10 / 16

სანამ ტორნადოსგან დაზარალებული დასახლებული პუნქტების მოსახლეობა ნანგრევებს ასუფთავებდა, წყალდიდობის შესახებ გავრცელდა ინფორმაცია

11 / 16

მასკოგის ოლქში მდინარე არკანზასის კალაპოტიდან გადმოსვლის გამო რამდენიმე ათასი ადამიანის ევაკუაცია დაიწყო. უკვე დაიტბორა ათასე მეტი სახლი

12 / 16

ტორნადო იმდენად ძლიერი იყო, რომ ფესვებიანად ამოგლიჯა მიწიდან უზარმაზარი ხე

13 / 16

ოკლაჰომაში მიმდინარეობს სამაშველო და კაშხლის გამაგრებითი სამუშაოები. სინოპტიკოსების ვარაუდით, შტატი ძლიერი წყალდიდობის საფრთხის წინაშე დგას

14 / 16

მანამდე ტორნადოსგან დაზარალებული შტატების მკვიდრები ცდილობენ საკუთარი ქონების ნაწილი მაინც გადაარჩინონ

15 / 16

ტორნადოს თან ახლავს ძლიერი წვიმა და ელჭექი. ეს ხშირად ხდება წყალდიდობის მიზეზი

16 / 16

სპეციალისტებს მიაჩნიათ, რომ ზოგიერთი ქალაქი, მაგალითად სანდ-სპრინგსი, წყალდიდობის შედეგად მთლიანად დაიფარება წყლით