თბილისი, 25 მაისი — Sputnik. თემქაზე საცხოვრებელი კორპუსის მეშვიდე სართულიდან ოთხ წლამდე ბავშვი გადავარდა, იუწყება ტელეკომპანია Imedi.
შემთხვევა დღეს მოხდა. გავრცელებული ინფორმაციით, ბავშვი გადარჩა.
ჯერჯერობით მისი ჯანმრთელობის მდგომარეობის შესახებ ინფორმაცია არ ვრცელდება.
ადგილზე საპატრულო პოლიციისა და სასწრაფო დახმარების ჯგუფები არიან მობილიზებული.
შსს–ს ინფორმაციით, ფაქტზე გამოძიება სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
დღეს თბილისში ანალოგიური შემთხვევა დიდ დიღომშიც მოხდა - მერვე სართულიდან სამი წლის ბავშვი გადმოვარდა და გარდაიცვალა.