თბილისი, 18 მაისი - Sputnik. ბათუმში დღეს ზღვამ დელფინი გამორიყა, იუწყება ტელეკომპანია Imedi.
როგორც გარემოს ეროვნულ სააგენტოში განაცხადეს, დელფინის გამორიყვის ორი შემთხვევა გუშინაც დაფიქსირდა.
„მიზეზი სხვადასხვაა, დინების ფაქტორიც გასათვალისწინებელია - შესაძლოა, ნაწილი სხვა ქვეყნის წყლებში იყოს დაღუპული და დინებით იყოს შემოტანილი. ასევე ნავიგაციური ტრავმა, ბიოლოგიური სიკვდილი ან ტოქსიკო-პათოლოგიური ფაქტორი. დელფინებზე დამწვრობისა ან აფეთქების შედეგად მიყენებული რამე სახის დაზიანება არ დაგვიფიქსირებია“, - აცხადებენ სააგენტოში.
იანვრიდან დღემდე ზღვამ სულ 50 დელფინი გამორიყა. გასულ წელს დელფინის გამორიყვის 121 შემთხვევა დაფიქსირდა, 2012 წელს კი 167.