თბილისი, 17 მაისი — Sputnik. ტყიბულის N1 საჯარო სკოლის 16 მოსწავლე საავადმყოფოში გადაიყვანეს, იუწყება ტელეკომპანია Imedi.
მოსწავლეები საავადმყოფოში, სავარაუდოდ, დაუდგენელი ალერგიის დიაგნოზით გადაიყვანეს. მედიკოსების თქმით, მათ გამონაყარი, ქავილი და თავბრუსხვევა აღენიშნებოდათ.
ექიმების ინფორმაციით, მათი მდგომარეობა მძიმე არაა. 14 მოსწავლე საავადმყოფოდან უკვე გაწერეს, ორი კი ამ დრომდე გადასხმაზე დაკვირვების ქვეშ იმყოფება. ისინი კლინიკას უახლოეს საათებში დატოვებენ.