ადამიანს მზის მიმართ ყოველთვის განსაკუთრებული დამოკიდებულება ჰქონდა. შორეულ ისტორიაში არაერთ კულტურაში მზე იყო ღმერთი, ადამიანები კი მას ეთაყვანებოდნენ, თუმცა, განათლებასთან ერთად, კაცობრიობამ ამოხსნა ეს საიდუმლო
მზე ჩვენი პლანეტისა და მისი თითოეული ბინადარის სასიცოცხლო ენერგიის წყაროა. მზის გარეშე არ მოხდებოდა ფოტოსინთეზი, არ იქნებოდა ბუნებრივი ნალექი, პლანეტაზე დაისადგურებდა უკუნი სიბნელე და ყინვა, რაც იმას ნიშნავს, რომ არ იარსებებდა სიცოცხლე.
რა მოხდება, თუ მზე მოულოდნელად შეწყვეტს ნათებას? თავდაპირველად მცენარეები დაიწყებენ გადაშენებას, რაც ჟანგბადის შემცირებას გამოიწვევს, მოგვიანებით კი წყალქვეშა სამყაროშიც რადიკალურად შეიცვლება სიტუაცია.