„მემატიანე გვეუბნება, რომ სიკვდილით დასჯა, დასახიჩრება, ეს ყველაფერი აკრძალა თამარმა. იმდროინდელ ეპოქაში ეს გადაწყვეტილება ძალიან პროგრესული იყო. ხალიფას კარზე არ სცემდნენ ისეთ პატივს მუსლიმ მეცნიერებს, როგორც საქართველოს მეფის კარზე“, – აღნიშნა ჯაბა სამუშიამ.
ისტორიკოსის თქმით, საქართველო ის ქვეყანაა, სადაც თამარის დროს რელიგიური შემწყნარებლობა უმაღლეს რანგში იყო აყვანილი და ამ მხრივ ჩვენი ქვეყანა მისაბაძი სახელმწიფო იყო.