საქართველოს დედაქალაქში დიდ სამამულო ომში ფაშიზმზე გამარჯვებას აღნიშნავენ. იხილეთ „Sputnik-საქართველოს“ ფოტომასალაში დღესასწაულის სურათები, რომელიც ტრადიციულად ვაკის პარკში იმართება.
დღესასწაული ტრადიციულად ვაკის პარკში დიდი სამამულო ომის ვეტერანთა შეკრებით დაიწყო, სადაც მარადიული ცეცხლი ანთია და უცნობი ჯარისკაცის ძეგლი დგას.
ქვეყნის პირველმა პირებმა ვეტერანებს დღევანდელი დღე მიულოცეს და უცნობი ჯარისკაცის მემორიალთან ყვავილები მიიტანეს.
1941 წელს დაიწყო დიდი სამამულო ომი. დღეისათვის მისი ვეტერანების რაოდენობა საკმაოდ ცოტაა. საქართველოში ამ დროისთვის მეორე მსოფლიო ომის 492 ვეტერანი ცხოვრობს, მათგან 99 ქალია. გმირების ხსოვნას, რომლებმაც ფაშიზმთან ბრძოლაში სიცოცხლე დათმეს, პატივს მიაგებენ მათი ოჯახების წევრები და ახლობლები.