თბილისი, 7 მაისი – Sputnik. თბილისში მთაწმინდაზე მწერალთა სახლი გაქურდეს, იუწყება ტელეარხი Imedi.
ტელეარხის ინფორმაციით, მოპარულია ქართველი გამოჩენილი მეცნიერის, მეწარმისა და მეცენატის, დავით სარაჯიშვილის კუთვნილი ნივთები. გასული საუკუნის დასაწყისში სწორედ სარაჯიშვილმა ააშენა მწერალთა სახლის შენობა.
სისხლის სამართლის საქმე აღძრულია ქურდობის მუხლით, რაც ჯარიმას, ან ერთიდან სამ წლამდე ვადით თავისუფლების აღკვეთას ითვალისწინებს.