თბილისი, 5 მაისი - Sputnik. სამგზავრო თვითმფრინავი მოსკოვი-მურმანსკი „შერემეტევოს“ აეროპორტში ავარიულად დაბრუნდა ბორტზე აალების გამო, იუწყება РИА Новости რეგიონის საგანგებო სამსახურებზე დაყრდნობით.
„სავარაუდოდ, მოსკოვი-მურმანსკის თვითმფრინავის აფრენისას ბორტზე ელექტროგაყვანილობა აალდა“, - განუცხადა რესპონდენტმა სააგენტოს.
მისი თქმით, თვითმფრინავში 72 მგზავრი და ეკიპაჟის 6 წევრი იმყოფებოდა.
წინასწარი ინფორმაციით, „შერემეტევოს“ აეროპორტში Superjet 100-ის ტიპის თვითმფრინავზე ხანძრის შედეგად ექვსი ადამიანი დაშავდა.