თბილისი, 2 მაისი — Sputnik. ოზურგეთის მუნიციპალიტეტის დაბა ლაითურის ტყეში გაჩენილი ხანძრის შედეგად 3 ჰექტრამდე ფართობი დაიწვა, იუწყება საზოგადოებრივი მაუწყებლის პირველი არხი.
დაბა ლაითურის ტყეში ცეცხლი ეკალ-ბარდებს გაუჩნდა.
ოზურგეთის მერიის ინფორმაციით, ხანძარი უკვე ლოკალიზებულია და ცალკეული კერების დამუშავება მიმდინარეობს.
„მეხანძრე-მაშველები უწყვეტ რეჟიმში ცდილობენ ხანძრის ლიკვიდაციას. ამ დროისათვის ხანძარი ლოკალიზებულია“, – განაცხადეს ოზურგეთის მერიის პრესსამსახურში.
ტელეკომპანიის ცნობით, ხანძრის გამომწვევი მიზეზი ჯერჯერობით უცნობია.