თბილისი, 27 აპრილი — Sputnik. ზესტაფონში ავტოსაგზაო შემთხვევის შედეგად 10 წლის ბავშვი დაიღუპა, იუწყება პირველი არხი.
შემთხვევის შედეგად დაშავდა ორი ადამიანი.
არსებული ინფორმაციით, ზესტაფონი-ქუთაისის ავტომაგისტრალზე მაღალი სიჩქარით მოძრავი ავტომობილი სავალი გზიდან გადავარდა.
დაშავებულები სასწრაფო სამედიცინო დახმარების ბრიგადებმა საავადმყოფოში გადაიყვანეს.
სისხლის სამართლის საქმე აღძრულია სსკ-ის 276-ე მუხლის მეექვსე ნაწილით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.